Snæfellsjökull þveraður 19.07.10
12:13 Þessa mynd tók ég til að gera mér grein fyrir gönguleiðinni - hana ber þarna við himin frá vinstri til hægri. Héðan séð virðist talsverður kafli vestan Vesturþúfu vera á jökli - svo er þó raunar ekki.
12:27 önnur "prófílmynd" - það má segja að gönguleiðina beri hér við himin frá vinstri að Miðþúfu um Vesturþúfu.
12:42 Héðan skal haldið, fylgt græna rindanum upp hlíðina eins langt og hann nær. Vesturþúfa sést þarna efst.
12:53 Kominn í 130 metra hæð, þarna var mikið af gróskulegum einiberjarunnum - sem ég gekk ekki kringum
13:18 Það kom fljótlega í ljós að mosavaxið hraunið var þægilegra en mjúkt lyngið, ég fylgdi barmi þessarar hraunrásar langan veg upp hlíðina
13:18 Bíllinn til vinstri - bílastæði við Djúpalón efst til hægri
13:26 Eru þetta ekki lambagrös? Þarna var annars mjög lítill gróður, sennilega vegna vatnsskorts
13:32 Ólafssúra í 400 metra hæð
13:32 Þegar umhverfið er einhæft verður hver þúst að myndefni
13:45 "Urð og grjót, upp í mót, ekkert nema urð og grjót" er óvíða sannari lýsing en hér.
14:05 Ég var víst eitthvað efins um að ég næði sjálfsmynd, alla vega er svipurinn skrítinn
14:23 Lóndrangar séðir úr 770 metra hæð (eða eins og ég hugsaði - tæplega ein Esja búin og tæplega ein Esja eftir!)
14:23 Það skal játað að landslagið er dálítið einhæft!
14:45 Eitt af mörgum opum á þessari hraunrás - kannski hellismunni?
14:49 Sér loks til Vesturþúfu
15:14 Fyrsta rennandi vatnið á leið minni!
15:40 Horft yfir farinn veg úr 1350 metra hæð, bíllinn er þarna á veginum rétt hægra megin við miðja mynd
15:45 Vesturhlið Vesturþúfu séð frá hæðinni með loftnetshúsinu. Ég var í bölvuðum vandræðum með brattan (og lausan) malarhrygginn þarna fyrir miðri mynd
16:09 Miðþúfa
16:09 Horft til Miðþúfu af Vesturþúfu. Ég hafði haft áhyggjur af leiðinni á milli þeirra en sprungurnar voru opnar og auðvelt að forðast þær.
16:09 Nærmynd af hamrinum í Miðþúfu. Hraunlögin sýna að þetta er "rofleif" - þ.e.a.s. að einhvern tíma hefur toppurinn verið heill í þessari hæð.
16:09 Rif
16:09 Hellissandur
16:16 Kominn hálfa leið frá Vesturþúfu að Miðþúfu. Flott þessi opna jaðarsprunga!
16:20 Horft til baka til Vesturþúfu
16:26 Klettastálið í Miðþúfu að norðvestan. Ég fór upp þarna "bakatil"
16:29 Vesturþúfa af öxli Miðþúfu, hægra megin sést hryggurinn sem ég kom upp
16:29 Horft til Lóndranga af öxl Miðþúfu
16:38 Nabbinn efst á Miðþúfu. Það virðist ekkert mál að fara þarna upp þangað til maður áttar sig á stærðarhlutföllunum - þetta er þriggja metra há brík úr lélegu móbergi. Maður þyrfti einhverja tryggingu held ég.
16:39 Helgrindur með miklum aðdrætti
16:39 Horft niður á hinar þúfurnar af skaflinum við Miðþúfu.
16:40 Útsýni til norðvesturs - frá Öndverðarnesi að Enni.
16:40 Horft til norðurs af skaflinum utan í Miðþúfu. Þorpin Hellissandur og Rif sjást en Ólafsvík felur sig bak við Ennið. Barðaströnd fjær.
16:47 Helgrindur séðar yfir klettahaft
16:49 Horft til baka til Miðþúfu. Þessar sprungur eru þvert á gönguleiðina - en þær eru nú ekki djúpar
16:50 Arnarstapi gægist fram með Stapafelli.
16:54 Útsýni til norðausturs, sprungur til vinstri, vélsleðaslóðir til hægri
16:57 Hellissandur og Rif, Barðaströnd fjær
16:587 Snæfellsnes, skaflar í Helgrindum. Nær opnar sprungur og vélselðaslóðir
16:58 Horft til suðurs, glittir í Arnarstapa, fjær eru Skarðsheiði og Akrafjall
16:59 Við vorum einir á jöklinum ég og hann Brian, amerískur háskólanemi sem ég hitti á toppnum. Hann endurskilgreinir hugtakið "jöklabúnaður" - takið eftir skófatnaðinum!
17:07 Þetta er austasta "þúfan", ég kom niður nokkurn veginn beina leið
17:07 Snæfellsnesið og ég.
17:33 Þetta er suðausturhliðin, þarna fara vélsleðarnir upp.
17:56 Það styttist í veginn um Jökulháls, hann er þarna í hlíðinni
17:56 Horft til baka til jökulsins
18:06 Ef maður hefði verið með öðrum - og á tveimur bílum - hefði mátt skilja annan eftir þarna langt upp á sleðaveginum.
18:58 Við bílinn að göngu lokinni - var svo heppinn að vera skutlað alla leið.