28.-30.04.07 Drangajökull

Þetta átti að vera Útivistarferð en það vantaði eitthvað upp á fjöldann svo hún féll niður sem slík, við fórum hana þess vegna sem tindátaferð í staðinn. Gistum í Unaðsdal, ókum þaðan suður í Kaldalón að morgni laugardags. Í stað þess að fara inn dalinn norðanverðan (framhjá Keggsi) fórum við upp suðurhlíðina (Votubjörg). Þótt fyrsta brekkan væri brött þá tók hún ekki langan tíma, að henni lokinni komumst við strax á skíðin. Leiðin lá síðan inn fjallið, yfir á Hrolleifsborg, þaðan á Jökulbungu. Af henni skelltum við okkur niður í Unaðsdal, þar virtist raunar engan snjó að finna en Ólafur, nýjasti tindátinn, leiddi okkur niður eftir árgilinu, þar skíðuðum við á snjóbrúm og hengjum rétt ofan við ólagandi vatnsflauminn. Að lokum urðum við þó að horfast í augu við að ekki yrði lengra komist á skíðum - áttum þá eftir 20 metra í bílinn!

Á leið norður smellti ég af þessari mynd af Lambatindi (lengst til vinstri), Skrælingi og Kaldbak. Þegar ég fór á Lambatind í fyrra (Outdoors_2006) fór ég líka á Skræling, það var eina leiðin framhjá hjarnsköflunum.
070428 1156
Fallegt sæluhús á Steingrímsfjarðarheiði.
070428 1414
Horft út eftir Snæfjallaströndinni.
070428 1446
Horft inn í Kaldalón. Kletturinn Keggsir sést greinilega í norðurhlíðinni en leið okkar upp Votubjörg er í hvarfi á bak við minnismerkið um Sigvalda Kaldalóns í forgrunni.
070428 1453
Hér sjást Votubjörg greinilega, þar upp lá leið okkar daginn eftir.
070428 1517
Kvöldsamkoma í Unaðsdal, Stefán, Gerður, Leifur og Ólafur.
070428 2049
Kvöldstemmning í Unaðsdal, Bolafjall hinum megin Djúpsins sést greinilega.
070428 2108
09:32 mætt inn í Kaldalón, farin að tygja okkur til göngunnar.
070429 0932
09:45 Eilífi þótti ástæða til að binda á sig skíðin til að fara yfir þennan skafl.
070429 0945
09:45 Gerður og Ólafur
070429 0945
09:45 Unnur og Stefán
070429 0945
09:46 í skriðjöklinum virtist vera kort af Afríku .... meira að segja með Madagaskar líka.
070429 0946
10:32 Gerður kemur á brúnina, sést yfir Djúp bak við hana.
070429 1032
10:33 Trymbilsstaðahlíð sigruð, horft til skriðjökuls í Kaldalóni.
070429 1033
10:57 Gerður vinnur sigur á næsta hjalla. Ástæða þess hversu margar myndir eru af Gerði er auðvitað sú að hin voru venjulega langt á undan ....
070429 1057
11:10 Komin á snjó, hér bundum við á okkur skíðin og gátum haldið áfram á þeim það sem eftir var dags.
070429 1110
11:22 horft norður yfir Drangajökul..
070429 1122
11:49 Gerður á leið inn Háafellshjalla.
070429 1149
12:00 Matarhlé á smá jökulskeri, Gerður að bætast í hópinn.
070429 1200
12:39 Venjulegt sjónarhorn mitt á þau Stefán, Unni og Ólaf.
070429 1239
12:44 Horft yfir farinn veg, Gerður ein á eftir mér (hún átti nú eftir að fara fram úr mér!).
070429 1244
14:32 Þeir fyrstu úr hópnum sjást í mýflugumynd utan í hálsinum að Hrolleifsborg.
070429 1432
14:32 Önnur mynd af Hrollefisborg, strýturnar tvær eru loftnetsmöstur.
070429 1432
14:32 Gerður á leið að borginni.
070429 1432
14:51 Hópnum safnað saman til uppgöngu á hrolleifsborg.
070429 1451
15:05 Útsýni norður Strandir.
070429 1505
15:05 Reyðarbunga og Hljóðabunga, á milli þeirra sést jökulhvelið Jökulbunga - en um það lá síðar leið okkar.
070429 1505
15:32 Ég með Reykjafjörð og Bjarnarfjörð í baksýn, mér á hægri hönd eru Miðmundarhorn og Geirhólmur.
070429 1532
15:33 Ólafur á horninu nyrst í Hrolleifsborg.
070429 1533
15:34 Gerður sýnir til hvers nota má spegilinn í áttavitanum.
070429 1534
15:45 Fagnað sigri á Hrolleifsborg. Unnur tók myndina.
070429 1545
15:47 Önnur mynd - þessi með Unni.
070429 1547
15:59 Gerður á leið niður haftið innst á Hrolleifsborg. Við vorum þarna svo snemma vors að þeta var enginn vandi - raunar hafði víst verið farið þarna upp á vélsleða daginn áður.
070429 1559
16:18 Reyðarbunga og Hljóðabunga.
070429 1618
16:18 Horft til baka til Hrolleifsborgar, í baksýn Reykjarfjarðarháls og Þaralátursnes.
070429 1618
16:49 Hljóðabunga.
070429 1649
16:39 Sigluvíkurnúpur, Geirhólmur og Miðmundarhorn.
070429 1649
16:49 Hrolleifsborg og Reyðarbunga.
070429 1649
16:51 Þarna mættum við hópi 30 vélsleðamanna.
070429 1651
17:53 Útsýni til suðvesturs yfir hálendið milli Snæfjallastrandar og Leirufjarðar.
070429 1753
21:15 eins og sjá má á því hversu langt leið milli þessarar myndar og þeirrar síðustu þá gekk allt frekar hratt á leiðinni niður - hér er fólk komið í teygjuæfingar niðri í Unaðsdal.
070429 2115
10:42 Brottfarardagur, horft til baka þvert yfir Kaldalón, sennilega heitir þetta eyðibýli Lónseyri.
070430 1042
10:42 Minnismerki um Sigvalda Kaldalóns.
070430 1042
070430_1046_1843Nr
070430 1046
10:47 Hópurinn án Gerðar, Ólafur, Stefán, Unnur, Leifur og Eilífur.
070430 1047
070430_1052_1845N
070430 1052
070430_1121_1851N
070430 1121
070430_1549_1852N
070430 1549

Leifur

28.-30.04.07 Drangajökull