Myndir úr ferð okkar Gerðar Steinþórsdóttur undir leiðsögn Einars frá Hofsnesi upp undir tind þessa tígullega fjalls við enda Miðfellseggjar - það mun hafa vantað 30 hæðarmetra upp á að við Gerður næðum tindinum. Einar ísklifraði raunar upp haftið sem stöðvaði okkur hin og náði toppnum. Flott ferð í góðu veðri en hættuleg aðkoma um Eggjardal gerði spennuna meiri en æskilegt hefði verið. Ef einhvern tíma verður farið í að klára uppgönguna þá verður farin önnur leið.